Технологи дамжуулалт

UMAS нь судалгааны үр дүнг бодит хэрэглээнд хүргэх, инновацыг дэмжих, салбар хоорондын хамтын ажиллагааг өргөжүүлэх зорилгоор технологи дамжуулалтын үйл ажиллагааг хөгжүүлж байна. Бид судлаачдын бүтээл, шинэлэг шийдлийг үйлдвэрлэл, үйлчилгээ, олон нийтийн хэрэгцээнд нийцүүлэхэд чиглэсэн хамтын ажиллагааг дэмжинэ.

UMAS-д бий болсон судалгааны үр дүн, шинэ санаа, инновацыг нийгэм, үйлдвэрлэл, эдийн засгийн хэрэгцээнд нийцүүлэн бодит хэрэглээнд шилжүүлэх үйл ажиллагаа юм. Бид оюуны өмчийг хамгаалах, хамтарсан төсөл хэрэгжүүлэх, лицензжүүлэх, стартап болон инновацын түншлэлийг дэмжих замаар шинжлэх ухааны үр дүнг өргөн хүрээнд түгээн дэлгэрүүлэхийг зорьдог.

Технологи дамжуулалт нь эрдэм шинжилгээ, инновац, хамтын ажиллагааг бодит үр дүнтэй холбодог чухал механизм юм. Судалгааны багуудын гаргасан мэдлэгийг аж ахуйн нэгж, төрийн байгууллага, олон нийтийн хэрэгцээнд нийцүүлэн ашиглах нь эдийн засгийн өсөлт, салбарын шинэчлэл, нийгмийн хөгжилд үнэтэй хувь нэмэр оруулахаар ажиллаж байна.

Гол зорилго

UMAS-ийн Технологи дамжуулалтын үндсэн зорилго нь судалгааны үр дүнг нийгэм, эдийн засгийн өгөөжтэй хэлбэрээр ашиглах боломжийг бүрдүүлэхэд оршино. Үүнд оюуны өмчийг хамгаалах, лицензжүүлэх, хамтарсан төсөл хэрэгжүүлэх, стартап санаачилгыг дэмжих, мөн технологийг зах зээлд болон хэрэглээнд нэвтрүүлэх үйл ажиллагаа багтдаг.

Хэрэгжүүлэх хэлбэрүүд

UMAS-ийн технологи дамжуулалт нь дараах хэлбэртэй байна. Тухайлбал:

• Патентжуулалт, лицензжүүлэлт.
• Хамтарсан судалгаа, хөгжүүлэлтийн гэрээ.
• Зөвлөх үйлчилгээ, туршилт, прототип хөгжүүлэлт.
• Стартап болон спин-офф компани байгуулах.
• Инновацын арга хэмжээ, түншлэл, сүлжээт хамтын ажиллагаа.

Эдгээр хэлбэр нь их сургуулийн судалгааны үр дүнг зөвхөн эрдэм шинжилгээний нийтлэлээр хязгаарлахгүй, бодит хэрэглээнд шилжүүлэхэд чиглэдэг. Ялангуяа өндөр боловсролын байгууллагад технологи дамжуулалтын тогтолцоо сайн хөгжсөнөөр судалгааны үр нөлөө нэмэгдэж, аж үйлдвэрийн салбартай уялдаа сайжирдаг.

Их сургуулийн нийгэмд үзүүлэх нөлөөг бодитоор нэмэгдүүлдэг. Шинжлэх ухааны үр дүнг үйлдвэрлэл, үйлчилгээ, төрийн бодлого, олон нийтийн үйл ажиллагаанд ашиглах боломж бүрдсэнээр инновацын экосистем хөгжиж, мэдлэгт суурилсан эдийн засагт хувь нэмэр оруулна гэж үзэж байна.